Салідарнасць з «Хартыяй-97»!

«Хартыя» - гэта не толькі адна з галоўных крыніц атрымання свабоднай інфармацыі.

Ужо трэцяе дзесяцігоддзе рэдакцыя «Хартыі-97» паспяхова супрацьстаяць дыктатарскаму рэжыму Лукашэнкі. Пра гэта ў «Фэйсбуку» напісаў вядомы расейскі журналіст Павел Селін.

«У Беларусі заблакаваны галоўны апазіцыйны сайт« Хартыя-97».

Для тых, хто не ведае: для Беларусі гэта тое самае, што для нас - «Медуза», «Эхо» и «Дождь» разам узятыя.

Для мяне «Хартыя» не толькі - адна з галоўных крыніц атрымання інфармацыі, але перш за ўсё - людзі...родныя мне людзі.

Гэта дзясятак адважных беларускіх хлопцаў і дзяўчат, якія штодня і штосекундна робяць сваю небяспечную справу.

Ужо 8-ы год мае беларускія сябры вымушаныя жыць і працаваць па-за Радзімай. Пасля так званых «прэзідэнцкіх выбараў» 2010 года ўсе яны прайшлі праз турмы і катаванні. Цяпер яны ў Варшаве. Многія фактычна беглі туды ад смерці...

Ужо трэцяе дзесяцігоддзе яны па-журналістку супрацьстаяць дыктатарскаму рэжыму Лукашэнкі.

І як бачна з сённяшняга блакавання - супрацьстаяць паспяхова.

Па-савецку велізарны, непаваротлівы і тупы механізм лукашэнкаўскай дзяржпрапаганды нічога ня можа зрабіць з АДНЫМ сайтам. У «Хартыі-97» за дзень - 250 тысяч унікальных наведвальнікаў і гэтая лічба ўражвае! Таму і блакуюць.

Трымайцеся, родныя! Усе нармальныя людзі цяпер з вамі!

Салідарнасць з «Хартыяй-97»!!!»

Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі.

Падрабязная інструкцыя пра тое, як абысці блакаванне сайта Charter97.org, знаходзіцца тут.