Падпісаны дэкрэт №1: «Дармаеды» аплацяць паслугі поўным коштам

Дэкрэт увойдзе у дзеянне пасля яго апублікавання.

Правадыр Беларусі Аляксандр Лукашэнка 25 студзеня падпісаў дэкрэт №1, якім прадугледжаныя захады для спрыяння занятасці насельніцтва. Дакумент накіраваны ў першую чаргу на актывізацыю работы органаў улады для максімальнага спрыяння грамадзянам у знаходжанні працу, стымуляванні працоўнай занятасці і самазанятасці насельніцтва, піша БелТА.

У гэтых мэтах дэкрэтам на ўрад ускладаюцца задачы для ўстанаўлення прагнозных паказчыкаў у галіне спрыяння занятасці насельніцтва і пераліку тэрыторый з напружанай сітуацыяй на рынку працы, ажыццяўлення маніторынгу, ацэнкі якасці і даступнасці паслуг у галіне спрыяння занятасці насельніцтва.

У сваю чаргу мясцовыя органы ўлады будуць забяспечваць індывідуальную працу з грамадзянамі на месцах пры правядзенні працы для іх працаўладкавання і рэсацыялізацыі асоб, якія вядуць асацыяльны лад жыцця. Акрамя таго, абласны, Менскі гарадскі «савет дэпутатаў» змогуць дадаткова накіроўваць сродкі мясцовых бюджэтаў на рэалізацыю мерапрыемстваў у галіне спрыяння занятасці насельніцтва на тэрыторыях з напружанай сітуацыяй на рынку працы.

У новы дэкрэт не ўвайшлі нормы аб збіранні з працаздольных непрацоўных грамадзян збору на фiнансаванне дзяржаўных выдаткаў. Пры гэтым асоб, якіх раней прызнавала плацельшчыкамi гэтага збору, вызваленыя ад яго выплаты.

Дэкрэтам прадугледжаны канцэптуальна іншы падыход, накіраваны на стымуляванне працаздольных непрацоўных грамадзян да легальнай занятасці. Прадугледжана, што з 1 студзеня 2019 года такія асобы будуць праводзіць аплату субсідаваных дзяржавай паслуг паводле іх поўнага кошту. Канкрэтны пералік такіх паслуг даручана вызначыць ўраду.

Ключавая роля ў арганізацыі працы для выканання норм дэкрэта адведзеная мясцовым органам улады. Для гэтага прадугледжваецца стварэнне мясцовымі выканаўчымі і распарадчымі органамі стала дзейных камісій, асноўнымі задачамі якіх з'яўляюцца спрыянне грамадзянам знаходзіць працу.

У склад камісій будуць уключацца дэпутаты ўсіх узроўняў, спецыялісты мясцовых органаў улады, а таксама прадстаўнікі грамадскіх аб'яднанняў. Узначальваць камісіі, якія ствараюцца на раённым узроўні, будуць, як правіла, старшыні «саветаў дэпутатаў».

Дэкрэт прадастаўляе камісіям шырокія паўнамоцтвы, у тым ліку для прыняцця пастаноў аб вызваленні на пэўны час працаздольных грамадзян, якія не занятых у эканоміцы, ад абавязку аплачваць паслугі поўным коштам пры наяўнасцi ў iх цяжкай жыццёвай сітуацыі.

Для рэалізацыі дэкрэта ўрадам будзе прыняты шэраг пастаноў, якімі будуць у тым ліку вызначаны парадак аднясення працаздольных грамадзян да незанятых у эканоміцы, пералік паслуг, што выконваюцца гэтымі грамадзянам поўным коштам, парадак разліку платы за гэтыя паслугі ды іншыя пытанні.

Акрамя таго, прадугледжваецца прыняцце урадам захадам, накіраваных на актывізацыю прафілактычнай працы з працаздольнымі непрацоўнымі грамадзянамі, якія вядуць асацыяльны лад жыцця; дзейнасці падатковых органаў для выяўлення і падаткаабкладання ўтоеных прыбыткаў фізічных асоб.

Дэкрэт уваходзіць у дзеянне пасля яго афіцыйнага апублікавання.