Стала вядома, колькі «дармаед» заплаціць за паслугі ЖКГ
68- 29.01.2018, 18:23
- 65,346
Беспрацоўныя будуць плаціць за жыллёва-камунальныя паслугі па поўнай.
Гэта вынікае з новага дэкрэту Лукашэнкі «Аб садзейнічанню занятасці насельніцтва», пакуль адзінае, што ў ім зразумела, паведамляе «Еўрарадыё».
Паводле новага дакумента, «дармаедамі» прызнаюць «працаздольных грамадзян, якія не занятыя ў эканоміцы». Больш канкрэтна ў красавіку вызначыць савет міністраў.
Журналісты паглядзелі, колькі заплаціць за менскую двухпакаёвую кватэру сям'я з трох чалавек, у якой адзін «дармаед», а двое працуюць. Для гэтага ўсё, што спажыла сям'я за мінулы месяц падзялілі на траіх, і для «працаздольнага і не занятага ў эканоміцы» палічылі 100% тарыфаў, прынятых на гэты год. Долю іншых дваіх палічылі па субсідаваных дзяржавай тарыфах.
Вось так будуць выглядаць цэны на камуналку ў кватэры з адным «дармаедам».
Тэхнічнае абслугоўванне - 6,51 рубля
Капрамонт - 5,2
Гарачая вада - 25,5
Халодная вада - 10,54
Цеплазабеспячэнне - 50
Водаадвядзенне - 7,02
Вываз смецця - 5,1
Дадатковыя паслугі - 7,21
Усяго за двухпакаёвую кватэру - 117 рублёў на месяц.
А вось кошты за тую ж кватэру, калі «часова не занятага ў эканоміцы» ў кватэры не будзе.
Тэхнічнае абслугоўванне - 6,49
Капрамонт - 5,2 рубля
Гарачая вада - 10,8
Халодная вада - 10,4
Цеплазабеспячэнне - 21
Водаадвядзенне - 7
Вываз смецця - 4,95
Дадатковыя паслугі - 7,21
Усяго - 73 рублі.
Як бачым, кошты адрозніваюцца на гарачую ваду і ацяпленне. Капрамонт каштуе столькі ж, вываз смецця танней на 6 капеек, халодная вада на 48 капеек, тэхнічнае абслугоўванне на 2 капейкі.
Горш давядзецца аднаму прапісанаму ў двухпакаёвай кватэры «дармаеду». Для яго квітанцыя пацягне на 150 рублёў.