Украіна планавала падарваць сваю газаправодную сістэму ў 2014-2015 гадах
1- 4.01.2018, 18:25
- 18,395
Але Украіне было не выгадна падрываць газаправод і парушаць сваю агульную газатранспартную сістэму.
У 2014-2015 гадах ва Украіне на дзяржаўным узроўні разглядалі пытанне падрыву газаправода які ідзе з РФ у Еўропу.
Пра гэта ў эфіры тэлеканала "ZIK" заявіў намеснік міністра ў пытаннях часова акупаваных тэрыторый і ўнутрана перамешчаных асоб (МінУАТ) Юрый Грымчак, піша censor.net.ua.
"2014-2015 гады. Вы думаеце не было планаў падарваць газаправодную сістэму з нашага боку? Я вам аб дзяржаўных планах расказваю. На сённяшні дзень адной з прычын, чаму ў нас няма поўнамаштабнай вайны, гэта тое, што ў нас ёсць газаправоды, якія ідуць па нашай тэрыторыі. Расея сёння робіць усё, каб пабудаваць у абыход Украіны газаправод", - сказаў ён.
Паводле ягоных слоў, Украіне было нявыгадна падрываць газаправод і парушаць сваю агульную газатранспартную сістэму. "У нас няма стасункаў з Захадам аб газаправодзе, у нас стасункі з Расеяй, але ў Расеі ёсць стасункі з Захадам, таму непастаўка - адзін з варыянтаў чаму мы сёння ваюем так, як ваюем. На сённяшні дзень у нас ваенны канфлікт не поўнамаштабны. У нас ракетная тэхніка не выкарыстоўваецца, авіяцыя і многае іншае", - адзначыў Грымчак.