У сеціве з'явілася шпіёнская фатаграфія новага беспілотнага аўтамабіля Panasonic
3- 6.01.2018, 11:41
- 16,809
Тэсты аўто, максімальна набліжаныя да рэальных умоў, стартавалі на захадзе Японіі.
Журналісты онлайн-выдання Jalopnik сталі ўладальнікамі шпіёнскай фатаграфіі новага беспілотнага аўтамабіля ад кампаніі Panasonic. Навінку ўпершыню афіцыйна плануюць паказаць на выставе CES у Лас-Вегасе на наступным тыдні. Мяркуецца, што беспілотны аўтамабіль у будучыні змогуць серыйна вырабляць для выкарыстання ў якасці грамадскага транспарту на папулярных турыстычных маршрутах, піша Autonews.
Panasonic актыўна інвестуе ў стварэнне ўласных аўтамабільных праектаў. Раней паведамлялася, што японская кампанія да 2022 года падвоіць укладзеныя сродкі ў распрацоўку аўто - з 11,6 млрд да 22,2 млрд даляраў.
Panasonic is bringing its own car to CES https://t.co/aqVDUlFMot pic.twitter.com/ptEb3LCgbB
— Jalopnik (@Jalopnik) 5 января 2018 г.
Аб запуску выпрабавання аўтамабіляў з сістэмамі аўтаматычнага кіравання стала вядома ў лістападзе 2017 года. Тэсты, максімальна набліжаныя да рэальных умоў, стартавалі на захадзе Японіі. Інжынеры ўжо праверылі эфектыўнасць працы камер і сэнсараў, якія вызначаюць месцазнаходжанне аўтамабіля і будуць сачыць за навакольным становішчам. Плюс да ўсяго паводзіны штучнага інтэлекту былі правераныя на здольнасць спраўляцца з пазаштатнымі сітуацыямі, якія ўзнікаюць падчас паездкі.