Павел Севярынец: У Беларусі ўсё можа змяніцца за адзін дзень
23- 10.10.2018, 7:51
- 26,363
Могуць адыграць ролю некалькі чыннікаў.
Павел Севярынец, адзін з лідараў Беларускай хрысціянскай дэмакратыі, хоча быць прэзідэнтам у Беларусі і згаджаецца на тое, каб удзельнічаць у выбарах і ўсё больш заяўляе пра амбіцыі новага і першага лідара ў нашай краіне, паведамляе «Белсат».
Павел Севярынец заявіў журналістам тэлеканала:
«Давайце адразу расставім акцэнты. Прэзідэнцкіх «выбараў», як і іншых «выбараў» у Беларусі няма. Замест іх ёсць спектакль з прызначэннем мясцовых «дэпутатаў», «дэпутатаў палаты прадстаўнікоў» і адпаведна Лукашэнкі. Але падчас гэтай кампаніі існуе акно магчымасцяў, калі юрыдычна той, хто будзе ў кампаніі ўдзельнічаць, можа стаць лідарам, які прынясе Беларусі перамены. Бо ёсць шмат прычын. Ёсць здароўе правадыра, ёсць вонкавыя абставіны, ёсць ўнутраны ціск, ёсць палацавыя перавароты. І падчас выбараў мы маем 4-5 месяцаў, каб з дапамогай народа гэтую ўладу змяніць. У Беларусі ўсё можа змяніцца за адзін дзень», - заявіў Павел Севярынец.