ЗША прынялі стратэгію абароны ад электрамагнітнай зброі

Міністэрства ўнутранай бяспекі апублікаваў план дзеянняў.

Міністэрства ўнутранай бяспекі ЗША (МУБ) паведаміла аб прыняцці Вашынгтонам стратэгіі абароны краіны ад "пагроз, звязаных з электрамагнітнымі імпульсамі (ЭМІ) і геамагнітным полем".

Адпаведную заяву апублікавала ў аўторак, 9 кастрычніка, прэс-служба выканаўчага дэпартамента ўрада ЗША, піша dw.com.

У стратэгіі выкладаецца "дакладнае бачанне і падыход" МУБ "да абароны крытычна важнай інфраструктуры" Злучаных Штатаў ад "патэнцыйна катастрафічных ЭМІ-інцыдэнтаў", а таксама прынцыпы рэагавання на іх і аднаўленне ў такой сітуацыі.

Дакумент распрацаваны з улікам кансэнсусу, наяўнага ў амерыканскіх выведвальных службах, што да той небяспекі, якая ў сувязі з выкарыстаннем гэтага тыпу ўзбраенняў можа зыходзіць ад супраціўнікаў ЗША.

Найперш, пад пагрозу могуць быць пастаўленыя інфраструктурныя аб'екты, электрычныя і транспартныя сеткі, камунікацыйнае абсталяванне.

МУБ падрыхтуе план дзеянняў

Стратэгія будзе дапоўненая адпаведным планам дзеянняў, які будзе ўтрымліваць у сабе спіс канкрэтных крокаў, закліканых "аптымізаваць існыя рэсурсы" і забяспечыць найлепшую каардынацыю паміж федэральнымі, рэгіянальнымі і мясцовымі ўладамі, галіновымі ўстановамі і прыватнымі аператарамі.

Электрамагнітная зброя - гэта група ўзбраенняў, у якім для надання пачатковай хуткасці набою выкарыстоўваецца магнітнае поле або цаляюць непасрэдна з дапамогай электрамагнітнага выпраменьвання.

Абсталяванне і электроніка пры гэтым выводзіцца з ладу за кошт перанапружання сеткі. Гаворка ў гэтым выпадку ідзе аб несмяротнай зброі, што працуе за кошт асваення энэргіі электрамагнітнага імпульсу.

Раней дарадца першага намесніка кіраўніка канцэрна "Радыёэлектронныя тэхналогіі" Уладзімір Міхееў сцвярджаў, што ў Расеі праходзяць палігонныя выпрабаванні гэтага тыпу ўзбраення.