Бунт у Інгушэціі: «Будзем стаяць, пакуль не даможамся свайго»

Сітуацыя на расейскім Каўказе абвастраецца.

Сітуацыя ў інгушскім Магасе застаецца напружанай. Як толькі ў людзей з'яўляецца вольная хвілінка, яны прыходзяць на мітынг, паведамляе карэспандэнт "Кавказ.Реалии".

Праваахоўныя органы пратэстоўцам не перашкаджаюць, многія з іх у прыватных размовах згаджаюцца з патрабаваннямі мітынгоўцаў.

Сілавікі моляцца і сілкуюцца разам з удзельнікамі пратэстаў. У рацыёне традыцыйная мясцовая кухня і прысмакі. Ежу гатуюць бесперапынна на сподзе. Арганізаваны кантэйнеры для смецця.

Тысячы людзей вечарамі і корак на бульвары імя Хрушчова сталі ўжо звыклай з'явай. У Магасе шмат свабодных гатэляў, але нумары практычна не здаюцца. Інтэрнэт ёсць толькі ў гатэлях, кавярнях і ў дзяржустановах. Такая ж сітуацыя з сувяззю і ў Назрані.

Людзі не маюць намер разыходзіцца, пакуль пагадненне паміж Юнус-Бекам Еўкуравым і Рамзанам Кадыравым не будзе скасаванае. Мітынгоўцы збіраюць подпісы за скасаванне "нераўнапраўнага абмену землямі". Актывісты просяць мясцовых дэпутатаў правесці сход для ўрэгулявання пытання.

На сувязі знаходзяцца толькі 13 з 25 дэпутатаў інгушскага парламента. У астатніх альбо адключаны тэлефоны, альбо няма пазіцыі. "Мітынг санкцыянаваны да 15 кастрычніка, але гэта не значыць, што мы разыдземся, калі наступіць 16 дзень. Мы будзем стаяць, пакуль не даможамся свайго", - заяўляюць пратэстоўцы.