Антоні Мацярэвіч: ЗША могуць заблакаваць Nord Stream 2.
6- 10.10.2018, 19:18
- 10,001
Пытанне пра санкцыі ЗША супраць расейскага праекта можа развязацца да канца года.
Будаўніцтва Nord Stream 2 Злучаныя штаты Амерыкі могуць спыніць з дапамогай санкцый, мяркуе экс-кіраўнік Мінабароны Польшчы.
Злучаныя Штаты змогуць спыніць будаўніцтва расейскай газавай магістралі Nord Stream 2 з дапамогай санкцый.
Пра гэта заявіў былы міністр нацыянальнай абароны Польшчы Антоні Мацярэвіч, паведамляе «Польскае радыё».
Са слоў палітыка, Польшча павінна ў далейшым рашуча пратэставаць супраць стварэння расейска-нямецкага газаправода Nord Stream 2.
«Тое, ці прымуць пастанову для ўключэння санкцый ці не, залежыць таксама ад пазіцыі Польшчы. На гэта ўплывае комплекс пытанняў - магчымая купля прыроднага газу з ЗША, палітыка Нямеччыны. Неабходна ўсведамляць, што існуе прынцып узаемнасці. Мы спадзяемся, што польская палітыка будзе рашучай, а амерыканскія дзеянні будуць такімі, як (іх) словы», - сказаў Мацярэвіч.
Нагадаем, прэм'ер-міністр Польшчы Марыюш Маравецкі заявіў, што пытанне аб санкцыях ЗША супраць расейскага праекта можа вызначыцца да канца года.