Моцныя хлопцы: пяць нацыянальных алкагольных напояў мацункам вышэй за 40%
6- 11.10.2018, 12:50
- 19,734
Цікавыя факты пра моцны алкаголь.
Вось толькі некалькі нацыянальных напояў, утрыманне алкаголю ў якіх перасягае 40, 50 і нават 70 градусаў, піша «Вокруг света».
Францыя: абсэнт (ад 70% аб.)
Напой, які атрымліваецца з экстракта кветак і лісця палыну. Утрыманне спірту ў ім - ад 70% і вышэй. З прычыны такога сур'ёзнага мацунку абсэнт доўгі час лічыўся не проста выпіўкай, а наркатычным, галюцынагенным сродкам, таму да сярэдзіны XX стагоддзя быў забаронены ў многіх краінах.
Зрэшты, ніякіх довадаў небяспекі «зялёнай ведзьмы» так і не было выяўлена, таму сёння ў свеце налічваецца блізу 200 брэндаў, якія вырабляюць гэты напой.
Нідэрланды: джын (ад 37,5% аб.)
Джын вынайшлі ў Нідэрландах у XVII стагоддзі як лекі ад бубоннай чумы. Яго другая назва - ядлаўцовая гарэлка: напой атрымліваецца дзякуючы перагонцы пшанічнага спірту з ядлоўцам.
Джын стаў асновай для мноства кактэйляў. У Амерыцы пік яго папулярнасці прыпаў на 1920-я гады - час росквіту стыльных вечарынак і джазу. Добры джын мае вельмі сухі гарманічны смак і выразны прысмак ядлоўцу.
Італія: грапа (ад 36% аб.)
Першапачаткова грапу выраблялі для аптымізацыі адкідаў вытворчасці, але яна хутка здабыла папулярнасць і стала яшчэ адной крыніцай даходу для італьянскіх вінаробаў.
Смак грапы, як і віна, залежыць ад гатунку і якасці выкарыстанага вінаграду. Часта яе параўноўваюць з віскі. У Амерыцы ў напой дадаюць фруктовы сіроп - так смак становіцца мякчэйшы. У Італіі ж грапу часта выкарыстоўваюць як дадатак да эспрэса, такая кава называецца карато.
Кітай і Карэя: пацучынае віно (ад 40% аб.)
Для прыгатавання гэтага экзатычнага напою выкарыстоўваюць нованароджаных пацукоў, якія яшчэ не расплюшчылі вочы. Грызуноў заліваюць рысавай гарэлкай і пакідаюць настойвацца цэлы год.
Пацучынае віно лічыцца традыцыйным напоем, які гатуюць ужо некалькі стагоддзяў. Кітайцы і карэйцы вераць у тое, што гэты напой гаючы, бо мяркуюць, што нованароджаныя пацукі аддаюць напою ўсю неацэнную жыццёвую энергію ці да кроплі.
Скандынаўскія краіны: аквавіт (ад 38% аб.)
У перакладзе з лацінскай мовы назва гэтага напою азначае "жывая вада". Для стварэння аквавіта выкарыстоўваецца бульбяны спірт, разведзены вадой, пасля напой настойваецца на спецыях.
Вытрымліваюць аквавіт у бочках з-пад каньяку ад 3 месяцаў да 12 гадоў. Піць самы папулярны скандынаўскі напой рэкамендуюць выключна ў халодным стане.