28 сакавiка 2024, Чацвер, 18:23
Падтрымайце
сайт
Сім сім,
Хартыя 97!
Рубрыкі

ПАРЕ прыняла рэзалюцыю па БелАЭС

14
ПАРЕ прыняла рэзалюцыю па БелАЭС

Парламенцкая Асамблея Рады Еўропы заклікае Менск не выдаваць ліцэнзію Астравецкай АЭС.

Парламенцкая Асамблея Рады Еўропы (ПАРЕ) у Страсбургу ў чацвер прыняла рэзалюцыю «Ядзерная абарона і бяспека ў Еўропе», якая заклікае рэгулятар атамнай энэргетыкі Беларусі не выдаваць ліцэнзію якая будуецца БелАЭС, пакуль не будуць рэалізаваны міжнародныя патрабаванні ядзернай бяспекі, паведаміў старшыня камісіі ў пытаннях энэргетыкі парламента Літвы Віргіліюс Падэрыс.

У чацвер ПАРЕ на пасяджэнні ў Страсбургу прагаласавала за такую рэзалюцыю, паведамляе Delfi.lt.

«(Рэзалюцыя - заўв.) прынятая з нашымі прапановамі ў арыгінальным тэксце, з моцнай заявай аб тым, што пакуль не выкананы міжнародныя патрабаванні, нельга выдаваць ліцэнзію. Гэта для нас важней за ўсё», - паведаміў BNS які ўдзельнічаў у пасяджэнні ПАРЕ старшыня Камісіі ў пытаннях энэргетыкі сейма Літвы Віргіліюс Падэрыс.

З ягоных слоў, падчас галасавання 99 дэлегатаў былі «за», 18 - «супраць», а 8 устрымаліся.

У дакуменце таксама ўтрымліваецца заклік забяспечыць абарону ад катастрофы цяжкага транспартнага самалёта, удасканальваць меры інфармавання грамадскасці суседніх краін аб інцыдэнтах, падпісаць з Літвой і іншымі суседнімі краінамі пагадненні аб кіраванні на выпадак экстрэмальных сітуацый.

Падэрыс напярэдадні заяўляў BNS, што рэзалюцыя, хоць і не абавязвае Беларусь, усё ж з'яўляецца важным інструментам ціску на Менск.

Літва абвінавачвае Беларусь у тым, што будучая АЭС за 50 кіламетраў ад Вільні і за 30 кіламетраў ад літоўскай мяжы будуецца без выканання ўсіх патрабаванняў бяспекі і міжнародных правілаў. Імкнучыся ўскладніць рэалізацыю праекта, Літва абяцае блакаваць імпарт электраэнэргіі з Беларусі.

Афіцыйны Менск гэтыя абвінавачванні адкідае.

На АЭС у Астраўцы ўсталёўваюцца два рэактары тыпу ВВЭР (вода-вадзяны энэргетычны рэактар), кожны магутнасцю 1200 мегават. Беларусь спадзяецца, што першы рэактар будзе гатовы да вытворчасці электраэнэргіі не пазней канца 2019 года, а другі - у сярэдзіне 2020 года. Праект фінансуе расейскі ўрад, яго рэалізуе расейская дзяржаўная карпарацыя «Росатом».

Напісаць каментар 14

Таксама сачыце за акаўнтамі Charter97.org у сацыяльных сетках