29 сакавiка 2024, Пятніца, 9:38
Падтрымайце
сайт
Сім сім,
Хартыя 97!
Рубрыкі

Беларускія крамы абавязалі прадаваць больш айчынных яблыкаў

10
Беларускія крамы абавязалі прадаваць больш айчынных яблыкаў

Пастанову прынялі ў Міністэрстве гандлю.

Міністэрства антыманапольнага рэгулявання і гандлю ўнесла змены ў асартыментны пералік крамаў. Цяпер прадуктовыя крамы павінны мець на продажы больш айчынных яблыкаў. Адпаведная пастанова №77 ад 8 кастрычніка афіцыйна апублікаваная на Нацыянальным прававым інтэрнэт-партале, паведамляе tut.by.

У дакуменце прапісана, што цяпер ўніверсамы павінны прапаноўваць удвая больш гатункаў беларускіх яблыкаў у сезон. Гэта значыць, што ў маленькіх прадуктовых крамах цяпер павінна быць мінімум два гатункі яблыкаў замест аднаго, а ў вялікіх не тры, а цэлых шэсць.

Асартыментны пералік яблыкаў павялічылі і для спецыялізаваных крам на 50 адсоткаў. Цяпер іх павінна быць не менш за тры. Акрамя таго, у павільёнах, кіёсках і сельскіх крамах цяпер павінны прапаноўваць не менш за два гатункі.

У пастанове агаворваецца, што яблычным сезонам будзе ўважацца перыяд з ліпеня да траўня. Пастанова ўваходзіць у дзеянне з 13 кастрычніка.

Напісаць каментар 10

Таксама сачыце за акаўнтамі Charter97.org у сацыяльных сетках