«Заробку стае на пару дзён»
8- 12.10.2018, 16:15
- 16,739
Жыхары Слоніма сумленна расказалі пра свае даходы і выдаткі.
«Газета Слонімская» спытала ў жыхароў Слоніма ці стае ім заробку. Вось, што з гэтага выйшла:
Ала:
- На пару дзён выстарчае. Свой заробак я размяркоўваю. Перш за ўсё - гэта аплата камунальных паслуг, растэрміновак. А потым адзін у аднаго пазычаем, а потым аддаём, а потым зноўку пазычаем. Так і жывем.
Марыя:
- Атрымліваю пенсію. Калі вельмі моцна эканоміць, то стае. А калі ледзь-ледзь расслабіцца, то, натуральна, не выстарчыць. Але я стараюся эканоміць. У мяне пенсія - 390 рублёў.
Аркадзь Карповіч:
- Паглядзеў, каўбаса каштуе 20 рублёў. Успамінаеш, якая ў цябе пенсія, і глядзіш што-небудзь больш таннае, набываеш тую ж ліверную каўбасу. Калі не шыкаваць, то выстарчыць. Усё залежыць ад патрэбнасцяў чалавека.
Ларыса:
- Майго заробку мне выстарчае на два тыдні. Атрымліваю 300 рублёў. Гэта сярэдні ў Слоніме заробак. Проста ў мяне муж падзарабляе ў Расеі. І калі б не ён, то я, напэўна, ужо б даўно згуляла ў скрыню, як той казаў. Я не ведаю, як жывуць людзі на такія грошы.