У Люксембургу праходзяць парламенцкія выбары
- 14.10.2018, 15:08
- 5,487
Чакаецца параза дзейнага прэм'ер-міністра.
У Люксембургу праходзяць выбары ў парламент, у якіх прагназуюць паразу дзейнаму прэм'ер-міністру краіны Ксаўе Бетэлю. Пра гэта паведамляе Reuters.
Галасаванне будзе праходзіць з 8.00 да 14.00 паводле мясцовага часу. Вынікі выбараў будуць вядомыя ўжо ўвечары.
Экспэрты аддалі найбольшую колькасць месцаў у парламенце Хрысціянска-сацыяльнай народнай партыі, якая ўпершыню з часоў Другой сусветнай вайны знаходзілася ў апазіцыі апошнія пяць гадоў.
Аднак указаная партыя можа не атрымаць абсалютнай большасці ў парламенце на 60 месцаў, што будзе азначаць неабходнасць стварэння кааліцыі з Дэмакратычнай партыяй Бетэля, Люксембургскай сацыялістычнай рабочай партыяй або «Зялёнымі».
Адзначаецца, што ў краіне пражывае толькі 52% люксембуржцаў і толькі яны маюць права голасу. Гэта азначае, што ў абавязковым галасаванні за склад парламента возьме ўдзел толькі палова жыхароў краіны.