Нямецкая газета падорыць чытачам дыск з песнямі ўраджэнкі Беларусі
- 14.10.2018, 17:10
- 7,356
Лідзія Валента і дрэздэнская газета Sächsische Zeitung аб'ядналі намаганні для правядзення музычнага эксперыменту.
Спявачка Лідзія Валента, якая нарадзілася ў Берасці, і дрэздэнская газета Sächsische Zeitung аб'ядналі намаганні для правядзення музычнага эксперыменту, піша belmir.by.
Яны вызначылі падрыхтаваць дыск са старымі нямецкімі каляднымі гімнамі ў сучаснай інтэрпрэтацыі і да снежаньскіх святаў падарыць яго ўсім падпісчыкам выдання.
Лідзія ўжо запісала 16 кампазіцый, аранжыраваных пад уплывам сплаву розных накірункаў: класічнай музыкі, поп-музыкі, джазу і блюзу.
Аднак на дыск трапяць толькі 10 калядных гімнаў з 16-ці. Якіх менавіта - да 31 кастрычніка павінны вызначыць самі чытачы газеты інтэрнэт-галасаваннем.
Для гэтага ўрыўкі з кожнай песні выкладзеныя на спецыяльна зробленым для праекта сайце.
Гатовая ўжо і вокладка дыска. Як піша Sächsische Zeitung, на ёй Валента паўстала зусім не ў традыцыйным чырвоным каўпаку, а на заднім плане няма прыбранай ялінкі.
Замест гэтага на галаве ў яе - вянок з белых калядных руж. А ззаду - просты сіні фон без усялякіх упрыгожванняў.
Пры гэтым спявачка ўбраная ў сінюю сукенку, пашытую ў родным горадзе спявачкі - Берасці. Яе даўжыня ад пояса ўніз складае 1,6 метра.
Як паведамляецца, Лідзія Валента нарадзілася ў Беларусі, расла ў Чэхаславаччыне і Расеі, а з 1998 года жыве ў Нямеччыне і называе сваім домам Дрэздэн.
Sächsische Zeitung - рэгіянальная штодзённая газета, заснаваная ў 1946 годзе. Яе цяперашні наклад роўны прыкладна 230 тысяч асобнікаў.