Відэафакт: Украінскі гелікаптэр Мі-24 збіў на Данбасе беспілотнік РФ

Экіпаж Мі-24 у небе над Лісічанскам Луганскай вобласці збіў беспілотнік «Арлан-10».

Штаб аперацыі Аб'яднаных сіл УСУ апублікаваў 14 кастрычніка на сваёй старонцы ў Facebook відэа, як экіпаж гелікаптэра Мі-24 у небе над Лісічанскам Луганскай вобласці збівае беспілотнік «Арлан-10», які знаходзіцца на ўзбраенні расейскага войска. Раней сёння ўкраінскія вайскоўцы паведамілі, што беспілотнік выконваў выведвальны палёт па маршруце Лісічанск - Севераданецк. Для яго знішчэння прыцягнулі гелікоптэр агнявой падтрымкі, паведамляе gordonua.com.

Украінскія вайскоўцы ўжо знайшлі абломкі лятальнага апарата. Яшчэ два бесплотнікі прарасейскія баевікі страцілі над Лісічанскам учора.