29 сакавiка 2024, Пятніца, 3:05
Падтрымайце
сайт
Сім сім,
Хартыя 97!
Рубрыкі

«Партызанаўку вы нашу не губіце»

«Партызанаўку вы нашу не губіце»

На Слонімшчыне вяскоўцы выказалі свой пратэст уладам Беларусі ў вершах.

Гэты вершаваны ліст ад жыхароў вёскі ў рэдакцыю «ГС» прынесла ўраджэнка Партызанаўкі Наталля Уладзіміраўна.

У размове з карэспандэнтам «ГС» жанчына сказала, што вяскоўцы тут калектыўна выказалі свой клопат і боль пра далейшы лёс роднай вёскі.

Кажуць, наша вёска аджывае.

Толькі мы пра гэта слухаць не жадаем,

Бо ў нас ёсць усё, што так патрэбна людзям.

Ёсць магазін, ёсць школа і садок,

Куды ўсе вядуць сваіх сыноў, дачок.

Лазня ёсць, дзе можна нам памыцца,

ФАП, дзе можам пры патрэбе палячыцца.

Ёсць царква, дзе можна памаліцца.

Пошта ёсць, ёсць клуб, бібліятэка

Ды ўсё ў нас ёсць, што трэба чалавеку.

Толькі вось адна у нас турбота —

Каб заўсёды маладым была работа,

Працавалі каб — не бедавалі,

Што канцы з канцамі не супалі.

Тады патрэбы не было б журыцца,

Што за камунальныя няма чым разлічыцца.

Тады яны ад нас не выязджалі б

І хаты тут тады не пуставалі б,

Мо школу ў нас тады не закрывалі б?

…Дык пачакайце крышку, не грашыце,

Партызанаўку вы нашу не губіце.

Пад гэтым шчымлівым лістом-зваротам да ўладаў сучаснай Беларусі, здаецца, маглі б падпісацца сёння жыхары ўсіх беларускіх вёсак ды паловы так званых аграгарадкоў.

Напісаць каментар

Таксама сачыце за акаўнтамі Charter97.org у сацыяльных сетках