«Усё паказвае на тое, што пуцінскі рэжым пачаў падаць»

Крэмль зазнае адную ганебнае паразу за адной.

Рэжым прэзідэнта Расеі Уладзіміра Пуціна спатыкнуўся і асуджаны. Такое меркаванне выказаў расейскі гісторык, апазіцыянер Андрэй Зубаў у эфіры Espreso.TV.

"Цяпер усё паказвае на тое, што пуцінскі рэжым пачаў падаць. У 2014 годзе, як гэта ні сумна для Украіны, ён быў на ўздыме. Цяпер ён зазнае адную ганебную паразу за другой", - распавёў ён.

Апазіцыянер пералічыў нядаўнія крахі расейскай улады. "Той жа Салсбэры з раскрыццём агентурнай сеткі. У Сірыі рэжым, які ты падтрымліваеш, збівае твой уласны выведвальны самалёт, гінуць 15 чалавек. Цяпер узлёт ракеты, і ўпершыню, па-мойму, за ўвесь час, ракета-носьбіт настолькі дрэнная, што не змагла вывесці арбітальны карабель. Гэта толькі частка. Натуральна, абсалютна бессэнсоўны ўздым пенсійнага ўзросту", - пералічыў Зубаў.

Палітык падкрэсліў, што ў Расеі шмат праблем, аднак высокія кошты нафты дазвалялі уладам не падвышаць пенсійнага ўзрост. "Гэта была абсалютная памылка пуцінскага рэжыму. Нават з ягонага пункту гледжання... Нарэшце, вось гэтая аўтакефалія [праваслаўнай царквы] ва Украіне, гэта таксама жахлівая аплявуха імперскай савецкай царкве, якая была створаная [Іосіфам] Сталіным у верасні 1943 года. Вось менавіта для гэтай царквы, якая была паслухмянай прыладай камуністычнага рэжыму, для яе наступаюць апошнія чорныя дні", - распавёў гісторык.

Ён удакладніў што праваслаўная царква ў Расеі застанецца, але яна будзе адрознівацца ад цяперашняй "савецкай царквы". "Памірае не пуцінскі рэжым, памірае савецкая дзяржава... А Пуцін толькі яго вобраз і прадстаўнік", - падкрэсліў Зубаў.

На думку гісторыка, цяперашні рэжым у Расеі "не дажыве да 2024 года". "Калі не гэты, то наступны год будзе вызначальным для Расеі і паваротным для яе палітычнай сістэмы", - рэзюмуе ён.