Беларускія мытнікі канфіскавалі ў пасажыркі цягніка $8 тысяч
7- 15.10.2018, 12:51
- 26,934
Валюта была незадэклараванная.
Пра гэта паведаміў Дзяржаўны мытны камітэт Беларусі.
Украінка ехала на цягніку Масква-Бэрлін. У пункце мытнага афармлення яна заявіла мытніку, што вязе з сабой $8 тысяч, і паказала іх. Аднак мытнікі ў асабістых рэчах жанчыны знайшлі яшчэ $10 тысяч, паведамляе БелТА.
«У адпаведнасці з заканадаўствам Еўразійскага эканамічнага саюза абавязковаму мытнаму дэклараванню падлягаюць гатовыя грошы, якiя перамяшчаюцца праз мяжу, у эквіваленце больш за $10 тысяч. Таму $8 тысяч, якія перасягалі ўстаноўленую норму, канфіскавалі да пастановы суда», - адзначылі ў Берасцейскай мытні.
Супраць украінкі пачалі адміністрацыйны працэс паводле ч 2 арт 14.5 Кодэкса аб адміністрацыйных правапарушэннях (недэклараванне альбо недакладнае дэклараванне тавараў). Санкцыя артыкула прадугледжвае да 30 базавых адзінак штрафу, а таксама канфіскацыю незадэклараваных грошай.