Пратэстоўцы ў Інгушэціі разбілі намётавы лагер

Акцыя пратэсту ў Магасе будзе бестэрміновай.

Удзельнікі акцыі пратэсту супраць дамовы аб мяжы паміж Інгушэціяй і Чачэніяй, якая праходзіць у сталіцы Інгушэціі Магасе, разбілі намётавы лагер, паведамляе агенцтва «Інтэрфакс».

Намёты пратэстоўцы паставілі на плошчы перад будынкам нацыянальнай тэлерадыёкампаніі, адведзенай уладамі для правядзення санкцыянаванага мітынгу. Акрамя таго, людзі на плошчы ўстанавілі пункты харчавання. З іх слоў, акцыя пратэсту будзе бестэрміновай.

26 верасня кіраўнік Інгушэціі і Чачэніі Юнус-Бек Еўкураў і Рамзан Кадыраў падпісалі дамову аб замацаванні адміністратыўных межаў паміж рэгіёнамі, якая не была выразна ўстаноўленая з часоў распаду Чачэна-Інгушскай АССР у 1991 годзе. Дакумент, які прадугледжвае раўнацэнны абмен тэрыторыямі, выклікаў масавыя пратэсты ў Інгушэціі: жыхары рэспублікі ўважаюць абмен нявыгадным для іх. Канстытуцыйны суд Інгушэціі таксама даў адмоўны водгук на законапраект: на думку суддзяў, такія пытанні павінны вызначацца на рэферэндуме.