На пасяджэнні сінода РПЦ Беларускую царква прадстаўляў грамадзянін РФ
27- 15.10.2018, 20:30
- 24,996
Пасяджэнне Сінода РПЦ у Менску скончылася разрывам стасункаў з Канстанцінопалем.
Сінод Расейскай праваслаўнай царквы прыняў пастанову цалкам разарваць стасункі з Канстанцінопальскім патрыярхатам, паведаміў на брыфінгу пасля заканчэння сінода ў Менску кіраўнік Аддзела замежных царкоўных сувязяў Маскоўскага патрыярхату мітрапаліт Іларыён.
У заяве гаварылася, што Беларуская праваслаўная царква далучаецца да пастановы. БПЦ прадстаўляў грамадзянін Расеі Мітрапаліт Менскі і Слуцкі Павел, нагадвае «Радыё Свабода».
Нагадаем, згодна з артыкулам 13 закона «Аб свабодзе сумлення і рэлігійных арганізацый», кіраўніком рэлігійнай арганізацыі ў Беларусі «можа быць толькі грамадзянін Рэспублікі Беларусь».
Адзначым, сінод Расейскай Праваслаўнай Царквы, арганізаваны цяпер у Менску, з'яўляецца нелегальным, бо быў ануляваны дакумент 17 стагоддзя аб вяршэнстве Масквы над Кіеўскай мітраполіяй (тады ў яе склад уваходзіла тэрыторыя сучаснай Беларусі).
Такім чынам, з пункту гледжання Канстанцінопаля, Менск - гэта ўжо чужая для Масквы тэрыторыя. Раз скасоўваецца Патрыяршая грамата 1686 года аб пераходзе Кіеўскай мітраполіі пад Маскву, то скасаванне тычыцца і Беларусі. Тады, у XVII стагоддзі, Рэч Паспалітая і Кіеўская мітраполія ўключалі ў сябе і беларускую тэрыторыю.