Бізнэсоўцу Кныровічу зменшылі тэрмін

Абарона кіраўніка групы кампаній «Сармат» патрабавала скасавання прысуду.

У аўторак Менскі гарадскі суд разгледзеў апеляцыю ў справе сузаснавальніка і дырэктара ТАА «СарматТэрма-Інжынірынг» Аляксандра Кныровіча і ягоных калег. Суд змяніў прысуд, знізіўшы тэрмін зняволення для бізнэсоўца з 6 да 5 гадоў. Абарона Кныровіч патрабавала скасавання прысуду, піша tut.by.

Выступаючы ў судзе, адвакат Крыловіч звярнуў увагу на тое, што ягоны падабаронны атрымаў пакаранне паводле артыкуле 431 (Даванне хабару) больш строгае, чым атрымальнікі хабараў з сістэмы ЖКГ. Пры гэтым, аргументаваў абаронца, хабар быў вымушанай: з прадпрыемствам «СарматТэрма-Інжынірынг» не разлічваліся за выкананыя работы, яно было на мяжы банкруцтва. Пры гэтым, падкрэсліў ён, сродкі на суму 60 тысяч рублёў Кныровіч выдаў калегам «на хабары» аднаразова, каму і ў якой суме яны перадаваліся - не кантраляваў.

Абаронца звярнуў увагу на тое, што суб'ектам злачынства паводле артыкулу 243 (Ухіленне ад выплаты падаткаў) Кныровіч не мог быць большую частку разгляданага перыяду (2012-2015 гады), бо ў гэты час не быў фактычным кіраўніком кампаніі - усё сведкі ў судзе пацвердзілі, што у гэты перыяд бачылі яго толькі на пагулянках. З улікам гэтага, а таксама з улікам кампенсацыі шкоды за перыяд свайго кіраўніцтва, гаворыцца ў апеляцыйнай скарзе, прызначаны тэрмін не мае перавышаць паловы ад максімальнага.

Адвакат Крыловіч таксама адзначыў неабгрунтаваную адмову ў правядзенні судова-бухгалтарскай экспертызы. У выніку прысуд прыняты толькі на падставе акта праверкі КДК, дзе сумнавядомы ўказ № 488 неабгрунтавана ўжыты да замежнага суб'екта гаспадарання, прычым сумы недаплаты падаткаў у акце і шкоды ў выраку суда паводле гэтага артыкулу былі рознымі (311 тысяч рублёў і 2,767 млн рублёў).

Адвакаткі Кускова і Максімава таксама адзначылі празмерную жорсткасць прысуду. Абаронца Кускова падала дакументы аб тым, што пасля вынясення прысуду сыну ў бацькі Кускова здарыўся інсульт. Адвакатка Максімава падала дакументальныя пацверджанні ягоных шматлікіх сур'ёзных захворванняў (два анкалагічныя дыягназы, некалькі сур'ёзных хірургічных умяшанняў).

Як бізнэсовец атрымаў тэрмін

Нагадаем, прысуд бізнэсоўцу Аляксандру Кныровічу і ягоным калегам з «СарматТэрма-Інжынірынга» вынес 4 ліпеня суд Фрунзенскага раёна Менска. Кныровіча прысудзілі да шасці гадоў пазбаўлення волі ў калоніі ўзмоцненага рэжыму з канфіскацыяй маёмасці і забаронай займаць распарадчыя пасады на працягу 5 гадоў. Ён прызнаны вінаватым ва ўхіленні ад выплаты падаткаў, даванні хабару, у тым ліку - паўторна на вялікую суму. Намеснік дырэктара ў эканоміцы Ігар Максімаў атрымаў 4 гады з канфіскацыяй і забаронай на 5 гадоў, вядучы эканаміст Андрэй Кавалкаў - 3 гады з канфіскацыяй і забарона на працягу 5 гадоў займацца прадпрымальніцтвам, намеснік дырэктара ў продажу Яўген Папоўскі - 4 гады пазбаўлення волі без канфіскацыі маёмасці.

На працягу месяца з дня ўваходу прысуду ў дзеянне абвінавачаныя меліся сплаціць шкоду дзяржаве на суму 2,767 мільёнаў рублёў і дзяржаўны збор 138 тысяч рублёў.

ТАА «СарматТэрма-Інжынірынг» з'яўляецца адным з першых вытворцаў папярэдне ізаляванай прадукцыі ў Беларусі, працуе з 1996 года.