Васіль Мацюшэўскі ўзначаліць Банк БелВЭБ
8- 17.10.2018, 14:33
- 8,753
Былы намеснік Кабякова таксама будзе працаваць у банку.
Былы першы намеснік прэм'ер-міністра Беларусі Васіль Мацюшэўскі прызначаны старшынём праўлення ААТ «Банк БелВЭБ».
«З панядзелка (22 кастрычніка) пачынаю працу старшынём праўлення Банка БелВЭБ», - паведаміў Мацюшэўскі агенцтву «Интерфакс».
Адпаведную пастанову прыняла Наглядальная рада фінансавай установы.
Мацюшэўскі займаў пасаду першага віцэ-прэм'ера са снежня 2014 года да 18 жніўня 2018 года, калі па рашэнні прэзідэнта Беларусі практычна ўсё кіраўніцтва ўрада на чале з прэм'ер-міністрам Андрэем Кабяковым было адпраўлена ў адстаўку.
Нагадаем, Андрэй Кабякоў таксама знайшоў працу ў банку. Былы прэм'ер-міністр Беларусі ўвойдзе ў склад рады дырэктараў ААТ «Белгазпрамбанк».