Суд у Лондане замарозіў актывы Дзерыпаскі на $245 мільёнаў

Расейскі алігарх з красавіка знаходзіцца ў санкцыйным спісе ЗША.

Расейскі мільярдэр Алег Дзерыпаска аддаў у заклад Высокаму суду Лондана акцыі сваіх кампаній коштам 245 мільёнаў даляраў. Так бізнэсовец гарантаваў аплату судовых выдаткаў і прэтэнзій у выпадку пройгрышу суда аб валоданні комплексам будынкаў у цэнтры Масквы. Пра гэта паведамляе праект «Открытые медиа» са спасылкай на дакументы суда.

Дзерыпаска судзіцца з былым кіраўніком расейскага дзяржаўнага Знешэканамбанка Уладзімірам Чарнухіным за комплекс будынкаў «Трохгорнай мануфактуры» на беразе Масквы-ракі. Чарнухін сцвярджае, што ў 2010 годзе дамовіўся прадаць Дзерыпаску дзель будынкаў кампаніі, але той прысвоіў яе, не заплаціўшы. Улетку 2017 гады Лонданскі камерцыйны арбітраж абавязаў Дзерыпаску выплаціць Чарнухіну 95,2 мільёна даляраў за дзель у кампаніі.

Дзерыпаска адмовіўся выплачваць гэтыя грошы і аспрэчыў пастанову, якая ўвайшла ў дзеянне, арбітражу ў Высокім судзе Лондана. Акцыі на 245 мільёнаў закладзены на час разгляду справы, каб Чарнухін не арыштоўваў актывы Дзерыпаскі ва ўсім свеце.

Алег Дзерыпаска з красавіка знаходзіцца ў санкцыйным спісе ЗША. Расейскія алігархі і эліты атрымліваюць выгаду ад карумпаванай сістэмы Расеі, - тлумачыла пастанову ўключыць расейскіх алігархаў у санкцыйных спіс Мінфін ЗША.