26 сакавiка 2019, aўторак, 8:19
Выклік для кожнага
Рубрыкі

ЗША пачалі працэс выхаду з Сусветнага паштовага звязу

1

Адміністрацыя Трампа незадаволеная міжнароднымі паштовымі тарыфамі.

ЗША ініцыявалі афіцыйную працэдуру выхаду з адной з найстарэйшых міжнародных арганізацый праз незадаволенасць тарыфамі на дастаўку міжнародных дробных пакетаў у ЗША, паведамляе «Голас Амерыкі».

Дзяржаўны дэпартамент накіраваў у сераду афіцыйнае апавяшчэнне аб выхадзе з Сусветнага паштовага Звязу (СПЗ), так званы ліст аб дэнансацыi.

Падставай для гэтага паслужылі несправядлівыя, на думку адміністрацыі прэзідэнта Дональда Трампа, перавагі ў інтэрнэт-гандлі, якія атрымлівае галоўным чынам Кітай, але таксама і іншыя краіны, такія як Францыя і Нямеччына.

У дзейнай міжнароднай паштовай сістэме адпраўка пакета з Кітая ў Амерыку каштуе танней, чым з адной мясціны ЗША ў іншую.

«Гэта кладзецца цяжкім цяжарам на амерыканскую паштовую сістэму», якой даводзіцца ўстанаўліваць больш высокія тарыфы для амерыканскіх кампаній для перакрыжаванага субсідзіравання, «а гэта азначае страту рабочых месцаў», заявіў высокапастаўлены прадстаўнік адміністрацыі Трампа, выступаючы перад журналістамі на інфармацыйным брыфінгу.

Са слоў чыноўніка, несправядлівыя паштовыя тарыфы таксама выкарыстоўваюцца Кітаем для адпраўкі ў ЗША кантрабандных тавараў і наркотыкаў, такіх як фентанілу.

З гэтага часу ЗША будуць «самастойна ўстанаўліваць тарыфы» на пакеты вагой да двух кілаграм для карэкцыі «сур'ёзнага эканамічнага перакосу».

Працэс выхаду з 144-гадовай арганізацыі, якая базуецца ў Швайцарыі, зойме год, а тым часам ЗША будуць дамагацца перагляду тарыфаў на перасылку пакетаў.

«Калі перамовы будуць паспяховымі, адміністрацыя гатовая адклікаць апавяшчэнне аб выхадзе і застацца ў складзе СПЗ», - заявіла прэс-сакратар Белага дома Сара Сандэрс.

Пастанова аб выхадзе з СПС, які цяпер уваходзіць у сістэму арганізацый ААН, стала чарговым крокам Трампа, накіраваным супраць сістэмы міжнародных шматбаковых пагадненняў і дамоў, якую амерыканскі прэзідэнт абвінавачвае ў падрыве канкурэнтаздольнасці ЗША.

Яна таксама была прынятая на фоне эскалацыі гандлёвых спрэчак паміж Пекінам і Вашынгтонам, якія прывялі да ўвядзення ЗША мыт на імпарт з Кітая коштам прыкладна 250 мільярдаў даляраў, на што Пекін адказаў аналагічнымі мытамі на амерыканскія тавары коштам 110 мільярдаў даляраў.