Украіна перадала Андрэеўскую царкву ў Кіеве ў карыстанне Экуменічнаму патрыярхату

Вярхоўная Рада прыняла закон.

Вярхоўная Рада Украіны 18 кастрычніка прыняла законапраект №9208 "Аб асаблівасцях карыстання Андрэеўскай царквой Нацыянальнага запаведніка "Сафія Кіеўская", піша карэспандэнт "ГОРДАН".

За прыняцце дакумента прагаласавалі 237 народных дэпутатаў. Перад галасаваннем спікер парламента Андрэй Парубій заявіў, што аднаўленне стаўрапігіі Экуменічнага патрыярхату ў Андрэеўскай царкве - гэта не палітычнае пытанне, і яно не звязанае з перадвыбарнай кампаніяй.

Парубій распавёў, што яшчэ два гады таму аб аднаўленні стаўрапігіі Канстанцінопаля над кіеўскім храмам гаварыў з экуменічным патрыярхам Варфаламеем.

Прэзідэнт Украіны Пятро Парашэнка 17 кастрычніка зарэгістраваў у Радзе законапраект "Аб асаблівасцях карыстання Андрэеўскай царквой Нацыянальнага запаведніка "Сафія Кіеўская".

Ён быў вызначаны кіраўніком дзяржавы як неадкладны. У тлумачальнай нататцы адзначаецца, што дзяржава спрабуе ў рамках заканадаўства спрыяць працэсу ўтварэння ва Украіне адзінай памеснай праваслаўнай царквы і стварыць умовы для выканання экзархамі Экуменічнага патрыярхату сваіх функцый ва Украіне. Андрэеўскую царкву прапануецца перадаць у карыстанне Экуменічнаму патрыярхату.

Сінод Сусветнага патрыярхату 11 кастрычніка прыняў шэраг пастаноў, якія тычацца аўтакефаліі Украінскай праваслаўнай царквы. Пастанова Канстанцінопальскага патрыярхату ад 1686 года аб перадачы ўкраінскай царквы ў падпарадкаванне Маскоўскаму патрыярхату скасаваная, з кіраўніка Украінскай праваслаўнай царквы Кіеўскага патрыярхату Філарэта была знятая накладзеная РПЦ анафема, яму і кіраўніку Украінскай аўтакефальнай праваслаўнай царквы Макарыю вернуты кананічны статус.

Пастанову Сінода прэзідэнт Украіны Пятро Парашэнка назваў наданнем аўтакефаліі Украінскай праваслаўнай царкве. Афіцыйны Томас сусветны патрыярх Варфаламей ўручыць абранаму на аб'яднальным саборы кіраўніку адзінай памеснай царквы.

У адказ на дзеянні Канстанцінопаля сінод Расейскай праваслаўнай царквы 15 кастрычніка прыняў патанову аб поўным разрыве эўхарыстычных стасункаў з Канстанцінопальскім патрыярхатам.

Андрэеўская царква была пабудаваная ў 1754 годзе ў Кіеве паводле праекту архітэктара Барталамеа Растрэлі. Цяпер гэта дзейны храм Украінскай аўтакефальнай праваслаўнай царквы.