Фіяска: горшая каманда КХЛ разграміла Менскае «Дынама»

Лукашэнка п'е валідол?

У матчы рэгулярнага чэмпіянату КХЛ "Сібір" разграміла менскае "Дынама" (6:0), піша "Прессбол". "Сібір" займае апошняе месца ў КХЛ.

Сібір - ДЫНАМА Мн - 6:0 (3:0, 3:0, 0:0)

Новасібірск. ЛДС "Сібір". Пачатак - а 13.30.

Сібір: Тэйлар; Логінаў - Аляксееў, Саюстаў - Дугін - Бертран; Марозаў - Дзямідаў, Казакоў - Камароў - Міхайлаў; Навумаў - Ігнатовіч, Якаўлеў - Раманцаў - Шароў; Пешахонаў - Бадроў - Ткачэнка; Пігановіч (к), Пелтола.

ДЫНАМА: Энрот (Карнавухаў, 28.37); Уіркаш - Гатавец, Казіёнаў - Хаўдэн - Пулкінен; Хенкель - Восіпаў, Драздоў - С.Касціцын (к) - А.Касціцын; Знахаранка - Хахлоў, Кітараў - Кавыршын - Сцяпанаў; Арцёмаў - Волкаў - Кагалым; Евенка.

Шайбы: 1:0 - Саюстаў (0.19). 2:0 - Ткачэнка (Пешахонаў, Бадроў, 1.42). 3:0 - Бадроў (Аляксееў, Ігнатовіч, 19.12 - бол.). 4:0 - Дзямідаў (28.37). 5:0 - Раманцаў (33.45 - мен.). 6:0 - Логінаў (Пелтола, 36.49 - бол.).

Нагадаем, раней дыктатар заяўляў пра тое, што моцна перажывае за няўдачы менскай каманды, менавіта з гэтай прычыны ён не наведвае хатнія матчы каманды: "Я, вядома, сёння на гульню не прыйду. Не таму што нават у мяне часу няма, я проста баюся пакуль хадзіць на вашыя гульні. Таму што я гледзячы ў тэлевізар баюся, што ў мяне сэрца спыніцца. Але там, думаю, і вам лішняя нагрузка, і для мяне гэта будзе непад'ёмна", - заявіў Лукашэнка.

Лукашэнка асабіста курыруе хакей у Беларусі, аднак поспехі ў гэтым выглядзе спорту, у які ўкінутыя мільярды даляраў, падобныя з «поспехамі» ў кіраванні краінай. У траўні каманда Беларусі па хакеі прадэманстравала на Чэмпіянаце свету ў Даніі найгоршы вынік за ўсю суверэнную гісторыю і вылецела ў ніжэйшы дывізіён.