З'явілася відэа з месца ДТЗ, у якое патрапіў беларускі КВН-авец Яўген Сморгін

Агулам у аўтобусе знаходзіліся 14 пасажыраў.

YouTube-канал Kyiv Operativ апублікаваў відэа з месца ДТЗ у Кіеўскай вобласці, дзе пры сутыкненні пасажырскага аўтобуса з цяжкавіком загінула 41-гадовая актрыса ўкраінскага гумарыстычнага «Дызель Шоў» Марына Паплаўская, паведамляе РБК.

Аварыя адбылася 20 кастрычніка на 28-м км трасы Кіеў - Чоп, каля паселішча Міла. Паводле папярэдніх звестак, кіроўца аўтобуса Neoplan не ўкіраваў і рэзнуўся ў аўтамабіль MAZ. Агулам у аўтобусе знаходзіліся 14 пасажыраў, чацвёра атрымалі раны. Сярод іх - беларускі акцёр Яўген Сморгін.

Паліцыя распачала крымінальную справу паводле ч.2 арт.286 КК Украіны (парушэнне правілаў бяспекі дарожнага руху або эксплуатацыі транспарту асобамі, якія кіруюць транспартнымі сродкамі). Кіроўцу аўтобуса затрымалі.