Ярданія вяртае сабе землі, дадзеныя ў арэнду Ізраілю

Складзенае на 25 гадоў арэнднае пагадненне не сталі падаўжаць.

Кароль Ярданіі Абдула II заявіў, што яго краіна не плануе падаўжаць дамову 1994 года з Ізраілем аб арэндзе памежных тэрыторый у раёнах Нахараім і Арава. Тэрмін арэнды мінае праз год.

Пра гэта паведамляе DW.

Кароль адзначыў, што тэрыторыі Бакуры і Гумара з'яўляюцца "Ярданскімі землямі і застануцца з Ярданіяй".

Паводле ўмоў пагаднення Ізраіль атрымліваў у арэнду землі і спецыяльныя правы на праезд у Бакур у паўночна-заходняй частцы Ярданіі і Гумар на поўдні. У дадатку да мірнага пагаднення паказана аб арэндзе тысячы акраў (405 гектараў) сельскагаспадарчых палеткаў у паўднёвай частцы мяжы Ізраіля з Ярданіяй, а таксама "Выспы міру" ля Галілейскага мора.

Кароль Абдула II наткнуўся на ціск з боку парламента Ярданіі, які патрабаваў не працягваць арэнду тэрыторый. 87 дэпутатаў падпісалі адпаведнае хадайніцтва.

Ізраіль, у сваю чаргу, спадзяецца захаваць дзейнае пагадненне.