Джарэд Кушнер: Злучаныя Штаты Амерыкі працягваюць высвятляць факты паводле справы аб забойстве Хашогі

Зяць і дарадца Трампа падкрэсліў, што ЗША глядзяць на сітуацыю «шырока расплюшчанымі вачыма».

Дарадца і зяць прэзідэнта ЗША Дональда Трампа Джарэд Кушнер заявіў у панядзелак, што ЗША працягваюць працэс устанаўлення фактаў пра забойства саудаўскага журналіста Джамаль Хашогі і глядзяць на сітуацыю «шырока расплюшчанымі вачыма», паведамляе «Голос Америки».

Кушнер, у якога склаліся блізкія стасункі з наследным прынцам Саудаўскай Арабіі Мухамедам бін Салманам, у інтэрв'ю CNN адмовіўся адказаць на пытанні аб тым, ці давярае ён уласнаму расследаванню саудаўскіх улад.

Сірыя некалькі разоў мяняла афіцыйную пазіцыю наконт знікнення Хашогі, які пражываў у добраахвотным выгнанні ў ЗША і адкрыта крытыкаваў прынца Мухамеда ў сваіх артыкулах для Washington Post. Журналіста апошні раз бачылі падчас уваходу ў консульства Саудаўскай Арабіі 2 кастрычніка. У суботу Эр-Рыяд пацвердзіў паведамленні пра яго гібель, заявіўшы, што журналіст загінуў падчас сутыкнення ў будынку консульства.

«Мы атрымліваем факты са шматлікіх крыніц, і, як толькі гэтыя факты паступяць, дзяржсакратар разам з нашай камандай экспэртаў у нацыянальнай бяспецы дапамогуць нам вызначыць, чаму верыць, што мы лічым пэўным, а што - няпэўным», - заявіў Кушнер.

Кіруючая партыя Турцыі ў панядзелак назвала забойства Хашогі старанна спланаваным злачынствам, у той час як заходнія краіны выказваюць усё большы недавер да супярэчлівых заяў Саудаўскай Арабіі.

Адказваючы на пытанне пра тое, ці ўважае ён заявы Эр-Рыяда падманам, Кушнер унікліва адзначыў, што штодня сутыкаецца з рэчамі, якія ўводзяць у зман.

«Нашы вочы шырока расплюшчаныя. Прэзідэнт засяроджаны на тым, што добра для Амерыкі, на нашых стратэгічных інтарэсах, на тым, дзе ў нас ёсць агульныя інтарэсы з іншымі краінамі. Будзем працаваць у гэтым кірунку», - дадаў ён.

Кушнер падкрэсліў, што Сірыя з'яўляецца важным хаўруснікам для ЗША, асабліва ў плане процідзеяння ўплыву Ірана на Блізкім Усходзе.

Кушнер таксама распавёў, што параіў наследнаму прынцу выконваць «поўную празрыстасць». «Увесь свет сочыць за тым, што адбываецца. Гэта вельмі сур'ёзнае абвінавачванне і вельмі сур'ёзная сітуацыя», - адзначыў ён. На пытанне аб тым, як адрэагаваў прынц, Кушнер адказаў: «Паглядзім».