Канаплёў: У нас асобныя трэнеры таўсцейшыя за мяне, разбыліся ад гультайства

Кіраўнік беларускай федэрацыі гандбола закрануў «вострую тэму».

Кіраўнік беларускай федэрацыі гандбола Уладзімір Канаплёў у інтэрв'ю журналісту "Прессбола" Сяргею Мардасевічу закрануў тэму трэнераў і «правіла леўшуноў».

- Чэрвеньскае пасяджэнне выканкама ў Нясвіжы было закрытае для прэсы. Патлумачце: там абмяркоўваліся «правілы леўшуноў», ліміт на легіянераў і старт БГК з першага этапу?

- Так, абмяркоўваліся. Гэтыя пытанні ўздымалі берасцейцы. Калі б трэнеры былі катэгарычна супраць, яны прыйшлі б і сказалі: слухай, Канаплёў, давай рабіць па-іншаму. А так ёсць крытыка невялікай групы асоб. Нагадаю, Шаўцоў ужо даўно прасіў: давайце рыхтаваць леўшуноў. У нас асобныя трэнеры таўсцейшыя за мяне. Распаўнелі ад гультайства. Няхай пабегаюць, пашукаюць. Інтэлігентнасць Шаўцова праявілася і тут. Задача была пастаўлена, але ніхто нічога не рабіў. Трэба было прымаць меры.

Ліміт на легіянераў... Гэта тычыцца БГК. Калі ўбачылі, што такія нашы гульцы, як Юрынок, праседжваюць большую частку часу на лаўцы, прынялі такую пастанову. Сусветная практыка дазваляе нам паменшыць ліміт да двух замежнікаў на пляцоўцы. Але гэта не самамэта. Проста хочам, каб нашы гулялі. Вось прыйшоў у БГК новы трэнер. У Шаўцова з ім выдатныя стасункі. У нас догмаў няма. Гэты сезон дагуляўся так. А там паглядзім: можа, вернемся да старога варыянту. Магчыма, я трохі нацыяналіст у гэтым плане. Але калі бачу ў клубе вялікую колькасць замежнікаў, хіба гэта каманда краіны, якую яна прадстаўляе? Аднак цяпер такія тэндэнцыі ва ўсім свеце. І мы павінны падладжвацца.