Эрдаган зняпраўдзіў інфармацыю аб выяўленні цела журналіста Хашкаджы
1- 23.10.2018, 15:01
- 6,095
Дзе цела саудаўскага журналіста - ніхто дагэтуль не ведае.
На фоне інфармацыі аб нібыта выяўленні ў рэзідэнцыі саудаўскага консула ў Стамбуле цела журналіста Джамаля Хашкаджы, забітага спецслужбамі Саудаўскай Арабіі, прэзідэнт Турцыі Раджэп Эрдаган зняпраўдзіў гэтыя звесткі, паведамляе "Новое время".
Пра гэта ён сказаў падчас свайго выступу ў парламенце краіны, запатрабаваўшы яго знайсці, паведамляе Business Insider.
«Дзе цела Джамаля Хашкаджы? Ніхто дагэтуль не ведае», - заявіў ён.
Адзначым, што раней апазіцыйны дэпутат ад партыі Vatan (Радзіма) Догу Перынчэк заявіў, што цела журналіста Джамаля Хашкаджы было знойдзенае ў калодзежы на тэрыторыі рэзідэнцыі консула Саудаўскай Арабіі.