Генеральны сакратар ААН вызначыўся з кандыдатурай спецыяльнага пасланніка аб Сірыі
- 31.10.2018, 9:09
- 5,573
Дыпламат мае досвед працы з Кітаем.
Генеральны сакратар ААН Антонію Гутэрыш праінфармаваў раду Бяспекі аб намеры прызначыць на пасаду свайго спецыяльнага прадстаўніка аб Сірыі сталага прадстаўніка Нарвэгіі ў сусветнай арганізацыі Гейра Педэрсэна, паведамляе dw.com.
Вытрымкі з паслання Гутэрыша Радзе бяспекі ААН падае ў аўторак, 30 кастрычніка, агенцтва AP, у распараджэнне якога трапіў адпаведны дакумент.
На думку генеральнага сакратара сусветнай арганізацыі, нарвежскі дыпламат зможа зрабіць "добры ўнёсак" у заканчэнне сямігадовай вайны ў Сірыі і ўзначаліць намаганні ААН у спрыянні "ўсёабдымнага і вартага даверу палітычнага развязання, што адпавядае дэмакратычным чаканням сірыйскага народу
Гутэрыш заклікаў міжнародную супольнасць і сірыйскія ўлады надацб Педэрсэну "ўсебаковую і непахісную падтрымку".
Гейр Педэрсэн на сёння з'яўляецца паслом Нарвэгіі ў Кітаі. У якасці спецыяльнага прадстаўніка ААН уСірыі ён зменіць Стафана дэ Містуру, які знаходзіўся на гэтай пасадзе звыш чатырох гадоў.
Апошні прыняў пастанову ў канцы лістапада пакінуць пасаду "з асабістых прычын". Новае прызначэнне будзе ўважацца за афіцыйнае пасля адпаведнай аб'явы сакратарыята ААН.