Bellingcat: Пятроў-Мішкін таксама выявіўся «героем Расеі»
18- 9.10.2018, 15:01
- 24,110
ФОТА: BELLINGCAT
Стала вядомага, як выкрылі напарніка Чапігі.
Аляксандр Мішкін, вайсковы лекар і супрацоўнік ГРУ (Галоўнай управы Генеральнага штаба Міністэрства абароны РФ), падазраваны ў атручванні былога палкоўніка ГРУ Сяргея Скрыпаля ў Солсберы, выявіўся героем Расеі.
Пра гэта распавёў супрацоўнік групы Bellingcat Хрыста Гроздзеў на прэс-канферэнцыі ў Лондане. З ягоных слоў, Мішкін атрымаў вышэйшую расейскую дзяржаўную ўзнагароду ў 2014 годзе. На прэс-канферэнцыі працуе карэспандэнт «Радыё Свабода».
Христо Гроздев, Bellingcat, подтверждает, что Мишкин окончил военно-медицинскую академию в Петербурге и в 2014 году стал, как и Чепига, героем России #мишкин #гру
— Радио Свобода (@SvobodaRadio) 9 октября 2018 г.
Група Bellingcat на прэс-канферэнцыі ў Лондане распавядае падрабязнасці свайго расследавання пра Аляксандра Мішкіна - які, як сцвярджаецца, з'яўляецца тым чалавекам, якога пад імем «Аляксандра Пятрова» брытанская паліцыя абвінавачвае ў замаху на Сяргея Скрыпаля і ягоную дачку Юлію ў Солсберы.
Прэс-канферэнцыя праходзіць у адным з памяшканняў для пасяджэнняў камітэтаў парламента Вялікай Брытаніі. Фота і відэаздымкі ў ім забароненыя.
На мерапрыемстве экспэрты Bellingcat распавядаюць, як знайшлі Мішкіна. Галоўнай зачэпкай было імя Аляксандра Пятрова, пад якім ён заехаў у Вялікую Брытанію. Экспэрты вывучылі ўсіх Аляксандраў з падыходнымі датамі нараджэння ў базах звестак Масквы і Пецярбурга і знайшлі падыходнага чалавека.
Другими словами - изначальной зацепкой стала та, первая анкета Петрова + традиция ГРУ часто сохранять своим агентам настоящее имя и дату рождения #мишкин #гру
— Радио Свобода (@SvobodaRadio) 9 октября 2018 г.
Фотаздымак пашпарта Мішкіна быў атрыманы ад крыніцы. З дзясяткаў звязаных з Bellingcat людзей двое сказалі, што добра ведалі Мішкіна. Прадстаўнік групы таксама пабываў у роднай вёсцы Мішкіна. 7 яе жыхароў сказалі, што ведаюць яго як вядомага лекара і Героя Расеі.
Раней стала вядома, што званнем Героя Расеі быў узнагароджаны расеец Анатоль Чапіга, падобны на падазраванага ў атручванні Сяргея і Юліі Скрыпалёў «Навічком» Руслана Башырава.
Журналіст праекта «Дасье» Сяргей Канеў са спасылкай на неназваную крыніцу сцвярджаў, што Чапіга атрымаў сваю ўзнагароду за падзеі ва Украіне. Ён дапамагаў вывезці з краіны былога прэзідэнта Віктара Януковіча пасля перамогі Майдана.
У той жа час прэс-сакратар прэзідэнта Расеі Дзмітрый Пяскоў 28 верасня заявіў, што «званне «Герой Расеі» палкоўніку Галоўнай выведвальнай управы Анатолю Чапігу не прысвойвалася».
