Беларускіх паляўнічых папрасілі не страляць у тумане

На суботу ў Беларусі абвешчаны аранжавы ўзровень небяспекі.

Міністэрства лясной гаспадаркі Беларусі заклікала 10 лістапада абмежаваць вядзенне палявання праз надвор'е.

Міністэрства лясной гаспадаркі нагадвае паляўнічым пра тое, што ў адпаведнасці з пунктам 150 Правілаў вядзення паляўнічай гаспадаркі і палявання, якія ўвайшлі ў дзеянне з 25 верасня 2018 года, страляніна з стралковай зброі ў тумане забараняецца.

Так, у дакуменце напісана, што забараняецца "...страляць на шум, шоргат, па няясна бачнай цэлі, у тумане, у моцны снегапад, у прыцемках, супраць сонца і пры іншых варунках дрэннай бачнасці, а таксама па птушцы на ўзлёце, ніжэй за 2,5 мэтра ў варунках абмежаванай бачнасці...".