Прэм'ер Гішпаніі: На месцы Мэй я б правёў другі рэферэндум аб Brexit
3- 12.11.2018, 17:13
- 6,883
Выхад Брытаніі з ЕЗ будзе вельмі балючым для абодвух бакоў.
Прэм'ер-міністр Гішпаніі Пэдра Санчэс парэкамендаваў правесці другі рэферэндум аб Brexit.
Пра гэта паведамляе «Европейская правда» са спасылкай на The Guardian.
«На месцы Тэрэзы Мэй я б абвясціў другі рэферэндум, без сумневу», - сказаў ён.
Санчэс заявіў, што выхад Брытаніі з ЕЗ будзе вельмі балючым для абодвух бакоў і заклікаў урад Мэй зрабіць магчымым у будучыні правядзенне галасавання аб паўторным уступленні ў блок.
«Сапраўды, мы цяпер на мяжы падпісання пагаднення. Але я хацеў бы, каб брытанскі ўрад абвясціў другі рэферэндум. Я не маю на ўвазе цяпер, але ў будучыні, каб яны маглі вярнуцца ў ЕЗ. Іншым спосабам, але назад у ЕЗ» - заявіў прэм'ер Гішпаніі.
Як паведамлялася, партнёры Вялікай Брытаніі з Еўрапейскага Звязу ў панядзелак узмацняюць палітычны ціск на прэм'ер-міністра Тэрэзы Мэй на фоне пэўнага прагрэсу ў перамовах аб Brexit.