ЗША паабяцалі больш санкцый супраць РФ
2- 12.11.2018, 20:24
- 11,454
ЗША пасля «выбараў» у «ДНР» і «ЛНР» заявілі, што працягнуць уводзіць санкцыі супраць РФ.
Санкцыі будуць уводзіцца датуль, пакуль Масква не выканае менскія пагадненні і не верне Украіне кантроль над Крымам. Пра гэта паведамляецца на сайце Дзярждэпартамента.
У заяве ўказваецца, што Злучаныя Штаты далучаюцца да еўрапейскіх партнёраў і асуджаюць фіктыўныя «выбары», якія адбыліся 11 лістапада ў «ДНР» і «ЛНР».
«Учорашнія нелегітымныя працэсы былі спробай Масквы надзяліць законным статусам яе давераных асоб у Данбасе», - заявіў Дзярждэп. У ведамстве паказалі, што ім няма месца ў рамках менскіх пагадненняў і ў складзе прадугледжаных канстытуцыяй Украіны ўладаў.
Выбары ў «ДНР» і «ЛНР» адбыліся 11 лістапада.