Відэафакт: Ізраіль нанёс авіяўдар па штаб-кватэры выведкі ХАМАС
- 13.11.2018, 9:32
- 9,302
Таксама быў знішчаны тэлеканал тэрарыстычнага руху ў сектары Газа.
Падчас серыі авіяўдараў, у адказ на абстрэл ракетамі, ізраільскія Вайсковыя паветраныя сілы знішчылі штаб-кватэру вайсковай выведкі палестынскага ісламісцкага руху ХАМАС у сектары Газа, відэазапіс апублікаваны на старонцы Войска абароны Ізраіля ў Twitter.
«Менавіта там аператыўнікі ХАМАС збіралі інфармацыю для ўчынення нападаў на ізраільцаў», - паведамілі ізраільскія вайскоўцы, адзначыўшы, што штаб-кватэра выведкі была размешчаная недалёка ад школы.
We struck Hamas’ military intelligence HQ in response to the 300+ rockets that terrorists in #Gaza fired at #Israel.
— Israel Defense Forces (@IDFSpokesperson) 12 ноября 2018 г.
This is where Hamas' intelligence operatives gathered information to launch attacks on Israelis.
Hamas intentionally established their HQ next to a school. pic.twitter.com/nuHoLmlcD9
Таксама ізраільская авіяцыя нанесла ўдар па будынку афіцыйнага тэлеканала палестынскага ісламісцкага руху ХАМАС у сектары Газа - Al-Aqsa TV, паведамляе nv.ua.
Са слоў відавочцаў, па пазіцыях каля будынка было выпушчана найменей пяць ракет у якасці папярэджання. Пасля чаго з будынка быў эвакуаваны ўвесь персанал.
طيران الاحتلال الحربي يقصف ويدمر مقر فضائية الاقصى بغزة. pic.twitter.com/VSnUpYUb2s
— شجاعية (@shejae3a) 12 ноября 2018 г.
У выніку наступнага ўдару офіс тэлеканала Al-Aqsa быў цалкам разбураны, а таксама пашкоджаныя суседнія будынкі. Аб пацярпелых не паведамляецца.
Israeli bombardment of Al-Aqsa TV building in #Gaza City pic.twitter.com/lgcmymrItG
— Ahmad Samaan🇵🇸 (@ahmadsaman7) 12 ноября 2018 г.
Цяпер вяшчанне Al-Aqsa спынілася.
Чарговае абвастрэнне палестына-ізраільскага канфлікту пачалося пасля таго, як уночы 12 лістапада ізраільскі спецназ забіў пецярых палестынцаў, у тым ліку аднаго з камандзіраў ХАМАС, падчас спецаперацыі таксама загінуў адзін афіцэр войска Ізраіля. Як паведамляе Jerusalem Post са спасылкай на ізраільскіх вайскоўцаў, пазней з тэрыторыі сектара Газа па Ізраілю запусцілі больш за 300 ракет, 60 з якіх удалося перахапіць. У выніку пацярпелі 13 жыхароў Ізраіля.
У адказ ізраільскія ВПС атакавалі 70 цэляў на тэрыторыі сектара Газа. Як паведамляе Reuters, тры палестынцы загінулі падчас авіяўдару.