Беларуская брыгада суддзяў на чале з Кульбаковым будзе працаваць на матчы Харватыя - Гішпанія

Матч Лігі нацый пройдзе ў чацвер у Заграбе.

Беларус Аляксей Кульбакоў прызначаны рэферы ключавога матчу ў групе 4 лігі «А» Лігі нацый Харватыя - Гішспанія, піша «Прессбол».

Ягонымі асістэнтамі будуць Дзмітрый Жук і Алег Маслянка. Дадатковыя суддзі за брамай - Дзяніс Шчарбакоў і Дзмітрый Дзмітрыеў. Чацвёрты арбітр – Юрый Хомчанка.

Паядынак пройдзе ў чацвер, 15 лістапада, на стадыёне «Максімір» у Заграбе. Пачатак сустрэчы - а 22.45 паводле беларускага часу. Турнірнае становішча ў групе 4 лігі «А»: Гішпанія - 6 балаў (3 гульні), Англія - 4 (3), Харватыя - 1 (2).