Галоўны трэнер нацыянальнай каманды Люксембурга: У нас ёсць унікальная магчымасць апярэдзіць Беларусь

Матч Лігі нацый Люксембург - Беларусь пройдзе 15 лістапада і пачнецца а 22.45.

Галоўны трэнер нацыянальнай каманды Люксембурга Люк Хольц распавёў пра адчуванні напярэдадні гульні супраць нацыянальнай каманды Беларусі ў рамках Лігі нацый, паведамляе pressball.by.

...Што да матчу з Беларуссю, то нам неабходны дванаццаты гулец - нашы заўзятары. Наша каманда маладая, але гуляе сэрцам. У цяжкія часы падтрымка гледачоў можа быць вырашальнай. Ціск прысутнічае, і мне гэта падабаецца. Ціск і адказнасць за вынік робяць нас мацнейшымі. Таму я не турбуюся пра псіхалагічныя настроі каманды, тут усё ў парадку.

Вядома, Беларусь - фаварыт групы, але ў нас ёсць унікальная магчымасць апярэдзіць яе і заняць першае месца ў турнірнай табліцы. Наша перавага ў тым, што нават нічыя пакідае Люксембург на верхнім радку турнірнай табліцы. Але, вядома, дома хочам толькі перамагаць.

Як бы ні склалася чацвярговая гульня супраць Беларусі, наступны матч супраць Малдовы таксама вельмі важны. Трэба і ў гэтай сустрэчы браць тры балы. У найгоршым выпадку, калі саступім беларусам, будзем спадзявацца, што яны саступяць Сан-Марына. У футболе ўсё можа здарыцца, - сказаў Хольц у інтэрв'ю wort.lu.

Матч Лігі нацый Люксембург - Беларусь пройдзе 15 лістапада і пачнецца а 22.45 паводле беларускага часу.