Фінляндыя заявіла пра гатоўнасць замяніць Румынію на чале ЕЗ

Раней прэзідэнт Румыніі заявіў, што краіна не гатовая да старшынства ў Еўрапейскім звязе.

Хельсінкі можа ўзяць на сябе старшынства ў Еўрапейскім звязе з 1 студзеня 2019 года.

Пра гэта заявіў прэм'ер-міністр Фінляндыі ў інтэрв'ю агенцтву STT, якое цытуе EUObserver.

Са слоў Сіпіля, афіцыйны запыт ад Бухарэста аб адмове ад старшынства пакуль не паступаў. Аднак Фінляндыя ўжо пачала падрыхтоўкі да магчымай замены.

Румынія павінна прыняць старшынства ў ЕЗ 1 студзеня. 10 лістапада без тлумачэння прычын падаў у адстаўку міністр сувязяў з Еўразвязам Віктар Негрэску. Гэта паставіла пад пытанне гатоўнасць Бухарэста ўпершыню пасля далучэння да еўрасупольнасці ўзначаліць яго.

12 лістапада прэзідэнт Румыніі Клаўс Ёханіс заявіў, што краіна не гатовая да старшынства ў Еўрапейскім звязе і павінна адмовіцца ад гэтай місіі, калі ўрад не сыдзе ў адстаўку.

Краіна - старшыня ЕЗ выбіраецца паводле прынцыпа ратацыі. Прэм'ер-міністр дзяржавы-старшыні на шэсць месяцаў становіцца старшынёй Рады Еўрапейскага звязу.

Пасля Румыніі старшынстваваць з 1 ліпеня 2019 года павінна была Фінляндыя.