Оксфардскі слоўнік назваў слова 2018 года
4- 15.11.2018, 16:26
- 12,599
Названыя самыя папулярныя з ім словазлучэнні.
Паводле версіі Оксфардскага слоўніка, словам 2018 года стаў прыметнік toxic (з ангельскай - атручаны, напоўнены атрутай, таксічны).
Як піша «Новое время», у паведамленні на сайце слоўніка гаворыцца, што колькасць праглядаў старонкі са словам toxic на сайце слоўніка павялічылася на 45%.
Самым папулярным выявілася словазлучэнне «таксічныя хімікаты». На другім месцы - паняцце «таксічная маскуліннасць». Трэцім у пошукавых запытах фігуруе словазлучэнне «таксічнае рэчыва». Як адзначае слоўнік, папулярнасць словазлучэння выкліканая скандалам з атручваннем Сяргея і Юліі Скрыпалёў у брытанскім Солсберы.
Пяты радок у пошуку заняло паняцце «таксічнае асяроддзе» - у значэнні непрыемнай, нездаровай абстаноўкі, напрыклад, на працы, шостае - таксічныя стасункі, якія апісваюць не толькі стасункі ў пары або сям'і, але і ўплыў палітыкі на жыццё грамадства.
Нагадаем, словам года паводле версіі слоўніка ангельскай мовы Collins Dictionary стала слова Single-use (аднаразовы).