Польскія памежнікі знайшлі ў цягніках з Берасця кантрабандныя цыгарэты на $156 тысяч
9- 16.11.2018, 10:38
- 11,168
Загорнутыя ў чорныя пакункі скрынкі з цыгарэтамі перавозіліся з дранкай.
43 тысячы пачкаў цыгарэт выявілі польскія памежнікі ў чыгуначным пункце пропуску «Цярэспаль», паведамляе Надбужанскі атрад памежнай службы Польшчы.
Кантрабанда была схаваная ў двух грузавых цягніках злучэннем Берасце - Малашэвічі. Загорнутыя ў чорныя пакункі скрынкі з цыгарэтамі перавозіліся з дранкай.
Рынкавы кошт кантрабанды - блізу 156 тысяч даляраў.
Цягнікі з кантрабанднай прадукцыяй накіравалі ў Малашэвічы на разгрузку.