28 сакавiка 2024, Чацвер, 16:58
Падтрымайце
сайт
Сім сім,
Хартыя 97!
Рубрыкі

Дзень памяці паўстанцаў Каліноўскага ў Свіслачы ацанілі на 35 базавых адзінак

3
Дзень памяці паўстанцаў Каліноўскага ў Свіслачы ацанілі на 35 базавых адзінак

Суд аштрафаваў двух удзельнікаў традыцыйнай акцыі памяці.

Сталі вядомыя вынікі першых адміністрацыйных працэсаў супраць удзельнікаў традыцыйнага Дня памяці паўстанцаў 1863 года, які прайшоў 27 кастрычніка ў Свіслачы і Якушоўцы, паведамляе «Гродненская Весна».

15 лістапада старшыня Свіслацкага раённага суда Аляксандр Шылін асудзіў грамадскага актывіста Юрася Глебку на падставе артыкула 23.34, частка 1 на 25 базавых адзінак штрафу. Ён ж 16 лістапада аштрафаваў iншага грамадскага актывіста Віктара Пяцельчыца на 10 базавых штрафу.

Старшыня Свіслацкага суда Аляксандр Шылін мае багаты досвед карных выракаў - у ранейшыя гады - у 2012-м, 2014-м, 2015-м і 2016-м гадах ужо судзіў грамадскіх актывістаў да адміністрацыйнага арышту і штрафаў за ўдзел у традыцыйным Дні памяці паўстанцаў.

Даты судоў у дачыненні да гарадзенскіх праваабаронцаў і грамадскіх актывістаў яшчэ невядомыя. Віктар Сазонаў, Уладзімір Хільмановіч і Ежы Грыгенча ўжо азнаёміліся са складзенымі на іх пратаколамі аб адміністрацыйных правапарушэннях. Таксама аналагічныя пратаколы складзеныя на Мікалая Саляніка, Сяргея Верамеенку і Ігара Банцэра.

Напісаць каментар 3

Таксама сачыце за акаўнтамі Charter97.org у сацыяльных сетках