У расейскім Бранску зладзілі цісканіну праз танную каўбасу
16- 17.11.2018, 12:23
- 19,447
Людзі хацелі ўзяць прылаўкі штурмам.
Жыхары Бранска зладзілі цісканіну праз танныя прадукты на адкрыцці крамы, паведамляе Lenta.ru са спасылкай на інтэрнэт-газету «Бранскія навіны».
Інцыдэнт адбыўся 16 лістапада ў Валадарскім раёне горада, у новай прадуктовай краме «Еўропа». На апублікаваных у сеціве здымках відаць, як людзі стоўпіліся каля ўваходу ў краму.
Газета сцвярджае, што мясцовыя жыхары даведаліся пра продаж «Доктарскай» каўбасы за 80 рублёў і хацелі «ўзяць прылаўкі штурмам».
Акрамя таго, крама абвесціла пра зніжэнне коштаў на яйкі і малако – да 40 і 33 рублёў адпаведна, апавялі ўдзельнікі прысвечанай гораду супольнасці ва «Укантакце».
Карыстальнікі сеціва адзначылі, што ў чарзе стаялі ў асноўным пенсіянеры: «Народ сумуе па даўняй савецкай эпосе».