20 сакавiка 2019, Серада, 7:05
Выклік для кожнага
Рубрыкі

Хакеісты «Гомеля» датэрмінова выйшлі ў суперфінальны стадыю Кантынентальнага кубка

Гомельцы вырвалі перамогу, саступаючы падчас сустрэчы.

Хакеісты «Гомеля» атрымалі другую перамогу ў 3-м коле Кантынентальнага кубка ў французскім Ліёне і датэрмінова выйшлі ў суперфінальны стадыю турніру.

17 лістапада гомельцы перамаглі гаспадароў турніру французскага «Ліёна».

«Гомель» - «Ліён» - 2:1 (0:1, 1:0, 1:0), паведамляе tut.by.

Шайбы: 0:1 - Лаўроў (Лёрка, Анкерст, 7.17, у большасці), 1:1 - Сусла (Саламонаў, 26.30), 2:1 - Жыдкіх (40.31).

Кідкі: 29-24 (9-9, 10-6, 10-9).

Штраф: 12-10.

Брамнікі: Бабарыка (95,83% адбітых кідкоў) - Стаянавіч (58.55-59.03, 59.03-59-16) (93,1% адбітых кідкоў).

Гомельцы вырвалі перамогу, саступаючы падчас сустрэчы. Вызначальны гол у актыве аднаго з найлепшых бамбардзіраў каманды цяперашняга сэзону Аляксандра Жыдкіх.

У другім матчы дня ў нашай групе «D» казахстанскі «Арлан» з Какшэтаў падолеў латвійскі «Курбадс» - 4:3 (1:2, 1:0, 1:1, 1:0).

У першы дзень турніру гомельцы ўпэўнена перамаглі «Курбадс» - 6:2, а «Ліён» у сэрыі пасляматчавых булітаў саступіў «Арлану» - 1:2.

Такім чынам, пасля двух гульнявых дзён «Гомель» набраў 6 балаў і не толькі аднаасобна ўзначаліў турнірную табліцу, але і датэрмінова выйшаў у суперфінальны этап, куды выходзяць дзве найлепшыя каманды групы.

1. Гомель - 6 пунктаў (2 матчы; розніца шайбаў 8-3)

2. Арлан - 4 (2; 6-4)

3. Ліён - 1 (2; 2-4)

4. Курбадс - 1 (2; 5-10).

Гомельцы заключную сустрэчу правядуць супраць «Арлана» (18 лістапада, 16.00).

У суперфінал выйдуць дзве найлепшыя суполкі груп «D» і «E».

У групе «E» за два квіткі ў суперфінал будуць змагацца «Белфаст Джаянтс» (Белфаст, Вялікабрытанія), «Катавіцэ» (Катавіцэ, Польшча), «Медзвяшчак» (Заграб, Харватыя), «Рытэн Спорт» (Італія).

Суперфінал (11-13 студзеня 2019 года)

1-е месца групы «D»

2-е месца групы «D»

1-е месца групы «E»

2-е месца групы «E».

Пераможца Кантынентальнага кубка атрымае квіток у Лігу чэмпіёнаў.

«Гомель» ужо браў удзел у Кантынентальным кубку. У сэзоне-2003/04 гадоў гомельцы былі гаспадарамі суперфіналу і занялі 2-е месца. У наступныя гады беларускія клубы чатыры разы перамагалі ў гэтым спаборніцтве: мінскае "Юнацтва" - у 2007, 2011 і 2018 гадах, гарадзенскі «Нёман» - у 2015 годзе.

Акрамя таго, у 2010 і 2012 гадах другое месца займала менскае «Юнацтва», а ў 2013-м другім стаў жлобінскі «Металург».

Кантынентальны кубак праводзіцца з сэзону-1997/1998, у турніры перамагалі 16 клубаў: славацкі «Кошыцэ» (у 1998 году), швайцарская «Амбры-Піёта» (1999, 2000), швайцарскі «Цюрых» (2001, 2002), фінскі «Ёкерыт» (2003), славацкі «Слован» (2004), славацкі «Зволен» (2005), расейская «Лада» (2006), беларускае «Юнацтва» (2007 2011, 2018), расейскі «Ак Барс» (2008), славацкі «Марцін» (2009), аўстрыйскі «Рэд Бул» (2010), французскі «Руан» (2012, 2016), украінскі «Данбас» (2013), нарвэжскі «Ставангер» (2014), беларускі «Нёман» (2015 ), брытанскі «Нотынгем» (2017).