У Мурманску памёр рабочы, які пацярпеў пры здарэнні з «Адміралам Кузняцовым»

Яшчэ аднаго чалавека ратавальнікі так і не знайшлі ў акіяне.

У Мурманску ўночы ў нядзелю памёр мужчына, які пацярпеў падчас аварыі на плывучым доку ПД-50, дзе ішоў рамонт «Адмірала Кузняцова». Пра гэта паведамілі РБК у прэс-службе рэгіянальнага ўрада.

«Сёння ўночы пасля імклівага пагаршэння стану памёр пацярпелы падчас аварыі на доку пацыент. Раней ягоны стан ацэньваўся як стабільна цяжкі», - расказалі ва ўрадзе.

Мінабароны ўклала кантракт з Цэнтрам рамонту суднаў «Звездочка» на аднаўленне тэхнічнай гатовасці з асобнымі мадэрнізацыйнымі работамі цяжкага авіяноснага крэйсера. Згодна з кантрактам, тэрмін заканчэння абавязанняў - чацвёрты квартал 2022 года. Аднак 30 кастрычніка на найбуйнейшым плывучым доку ПД-50 адбылася аварыя, у выніку якой некалькі працоўных пацярпелі, адзін сур'ёзна. Яшчэ адзін знік без весткі, яго шукаюць адаратары.

На палубу «Кузняцова» ўпаў 70-тонны вежавы кран дока. У выніку здарэння пацярпелі чатыры чалавекі, трое з іх былі дастаўленыя ў лякарню з пераахаладжэннем (яны патрапілі ў воды Кольскай затокі), у аднаго з іх дыягнаставалі траўму чэраўнай паражніны.