Пяць «залатых» правілаў для здароўя сэрца

«Залатую пяцёрку» звычак для моцнага сэрца выбралі шведскія навукоўцы.

Для захавання здаровай сэрцавай актыўнасці трэба прытрымлівацца ўсяго пяці ўстановак – гэта няшмат, затое вельмі эфектыўна, сцвярджаюць кардыёлагі, піша hronika.info.

«Залатую пяцёрку» здаровых звычак для моцнага сэрца выбралі шведскія навукоўцы. Гэты спіс апублікаваў на сваіх старонках часопіс «Archives of Internal Medicine».

Такім чынам, што трэба рэгулярна рабіць, каб захаваць сэрца здаровым як мага больш доўгі час? Пералік рэкамендацый шведскіх спецыялістаў выглядае наступным чынам:

Есці больш прадуктаў, якія не зазналі тэрмічнай апрацоўкі або зазналі мінімальную: гэта зеляніна, гародніна, садавіна, бабовыя, адварная рыба і г.д.

Не дазваляць сабе злоўжываць алкаголем. Навуковыя звесткі кажуць, што ў сярэднестатыстычнага чалавека ва ўзросце да 40 гадоў, які ўжывае да 350 грамаў чыстага алкаголю за тыдзень, даўжыня жыцця скарачаецца на 1-2 гады.

Сачыць за памерам таліі. Аб'ём таліі не павінен перавышаць аб'ём сцёгнаў, адзначаюць спецыялісты.

Практыкаваць аэробную актыўнасць. Навукоўцы сцвярджаюць: штодня трэба хадзіць пешшу ці ездзіць на ровары не менш за 40 хвілінаў.

Не паліць. У курцоў пакутуюць не толькі клеткі міякарда, але і клеткі галаўнога мозгу, якія пачынаюць зазнаваць напады з боку белых крывяных цельцаў.