16 снежня 2018, Нядзеля, 7:57
Дзякую вам
Рубрыкі

Відавочцы: У цэнтры Менска з акна дома выкінулі сабаку

ФОТА: ONLINER.BY

Сабака пароды коргі належала грамадзянам Кітая.

Усё здарылася а 20:10. Невялікага сабаку, відавочна пароды коргі, выкінулі з акна дома 46 на праспекце Незалежнасці. «Я іду і краем вока бачу, што ляціць сабака, - кажа Сафія. - Сабака стукнуўся аб бардзюр і проста ў мяне на вачах памёр», паведамляе onliner.by.

- Я паспрабавала паглядзець, адкуль ён падаў, дзе зачыняліся вокны, але не ўбачыла, - прадаўжае самая сведка. - Гэта шчанюк коргі. Я ведаю, бо ў маёй сяброўкі такі ж самы сабака.

Мінакі выклікалі міліцыю. Праз некаторы час да месца здарэння падышоў хлопец. Ён сказаў, што гэта ягоны сабака. На той момант маладзёна ў кватэры не было, там знаходзілася ягоная дзяўчына. Са слоў хлопца, яна адкрыла акно, каб сабака падыхаў, і той вываліўся.

- Як сабака мог упасці сама так далёка? - не паверылі мінакі. - І чаму тады гаспадыня не выбегла адразу ж за сабакам?

Як высветлілася, коргі належала грамадзянам КНР. Цяпер супрацоўнікі міліцыі разбіраюцца ў тым, што адбылося.