СМІ: Зяленскі вызначыўся з выбарчым лозунгам і пачаў рыхтавацца да выбараў

Прадстаўнікі Зяленскага ўжо пачалі працу ў рэгіёнах Украіны.

Украінскі актор Уладзімір Зяленскі пачаў падрыхтоўку да выбарчай прэзідэнцкай кампаніі. Пра гэта 19 лістапада паведамляе liga.net са спасылкай на ўласныя крыніцы.

Адзначаецца, што прадстаўнікі Зяленскага ўжо аплацілі зімовую рэкламу на радыё і білбордах з лозунгам - «Я не жартую».

Суразмоўца паведаміў, што ў сувязі са стартам прэзідэнцкай кампаніі была перанесеная прэм'ера трэцяга сезоне серыяла «Слуга народа», у якім Зяленскі выконвае галоўную ролю.

Прадстаўнікі Зяленскага ўжо пачалі працу ў рэгіёнах Украіны і збіраюць перадвыбарчыя каманды, але пры гэтым дзейнічаюць не публічна.

Крыніцы выдання адзначаюць, што вялікую частку палітсілы коміка, партыі «Слуга народа», складуць прадстаўнікі партыі «УКРОП».

Выбары прэзідэнта Украіны запланаваныя на 31 сакавіка 2019 года, Зяленскі пакуль не заяўляў аб намерах у іх удзельнічаць.